Қозоғистонда полиция ходимлари Россияда уч кишини ўлдирганликда гумонланаётган Ўзбекистон фуқаросини қўлга олди. Бу ҳақда республика Ташқи ишлар вазирлиги матбуот хизматига таяниб, «РИА Новости» хабар берди.

Маълум қилинишича, Туркистон вилоятида Жибек-Жоли назорат-ўтказиш пунктида чегарани кесиб ўтмоқчи бўлган Ўзбекистон фуқароси ушланган. У 2016 йилда шериги билан Москва вилоятида бўлган вақтида 3 кишини ўлдирган.

«Жами 19 февралдан 27 февралга қадар Қозоғистон Ички ишлар вазирлиги мамлакатда қидирувда бўлган 87 нафар жиноятчини қўлга олган, улардан 17 нафари хорижий ҳуқуқ-тартибот идоралари сўровига кўра амалга оширилган», дейилади хабарда.

Аввалроқ Украинадаги урушда ҳалок бўлган ўзбекистонликлар сони очиқланган эди.