Янгийўл туманида 5 нафар шахсни қасддан ўлдиришда гумонланаётган шахс процессуал тартибда ушланди. Бу ҳақда Бош прокуратура матбуот котиби хабар берди.

Олинган дастлабки маълумотларга кўра, гумонланувчи 1995 йилда туғилган шахс жабрланувчи марҳум эркакнинг қариндоши ҳисобланади. У ушбу жиноятни ўрталарида мавжуд бўлган қарз муносабати сабабли содир этганлиги маълум бўлди.

Тергов ҳаракатлари давом этмоқда.

Эслатиб ўтамиз, Янгийўлда уй ёниб кетгани, унда 5 нафар оила аъзоларининг жасади қотиллик аломатлари билан топилгани ҳақида хабар берилган эди.

Улар:

• 1991 йилда туғилган эркак;
• 1999 йилда туғилган аёл;
• 2021 ва 2022 йилда туғилган болалар;
• 2018 йилда туғилган қиз экани аниқланган.

Суриширувларга кўра, марҳумлар эр-хотин, уларнинг 2 нафар (3 ёшли ва 1 ёшли) фарзанди ва шу уйга мехмонга келган 6 ёшли қиз қариндоши экани аниқланган.