Заковатда шахмат бўйича жаҳон чемпиони Владимир Крамник ҳам қатнашиб, ўзбек шахматининг ҳозирги авлоди барча даврлардагидан кучли ҳисобланишини таъкидлади.

III «Zakovat-Gambit» шахмат турнирига бағишланган брифингда классик шахмат бўйича жаҳон чемпиони, гроссмейстер Владимир Крамник ўзбек шахматчилари билан биринчи марта 1992 йилги шахмат олимпиясида учрашганини эслади.

«Ўша мусобақада Россия биринчи ўринни, Ўзбекистон иккинчи ўринни эгаллаган эди. Бу ҳамма учун кутилмаган ҳолат бўлганди. У ерда барча кучли жамоалар ўйнатишига қарамасдан яхши натижа кўрсатган. Бу ҳамма учун кутилмаган совға бўлган. Ўзбекистон ажойиб шахмат анъаналарига эга давлат.

Менимча, ҳозирги авлод барча даврлардагидан кучли ҳисобланди. Охирги шахмат олимпиядаги муваффақиятингиз таҳсинга сазовор. Бу фақатгина шахмат учун эмас, бутун мамлакат учун катта воқелик. Мен ўзбек шахмат учун, йигитлар учун хурсандман. Бу яна ҳам ривожланиш учун муҳим қадам. Ёш шахматчиларга бундай тажрибалар керак, менинг ўзим Анатолий Карпов жаҳон чемпиони бўлганидан илҳомланиб шахматга кириб келганман», — деди Владимир Крамник.

Жаҳон чемпионини алоҳида таъкидлашича, ҳозирги авлод — ўзбек шахматчилари анча ёш, ҳали бор салоҳиятини кўрсатганича йўқ.

Шунингдек, Владимир Крамник бу мусобақада ҳам икки-уч нафар ёш иқтидорларни, ўзи учун кашф қилганини айтиб, улардан ҳам шахматчилар чиқишига ишонч билдирган.

«Ишончим комил шахматчиларингиз кучли 10 талигида бўлади. Ҳеч бўлмаса бир нафари жаҳон чемпиони бўлишидан умидворман.

Ўзбекистонга биринчи марта ташриф буюришим. Юртингизда ёш шахматчилар учун жуда яхши имкониятлар яратиб берилган гувоҳ бўлдим. Менда ажойиб таассуротлар қолдирди», — деди гроссмейстер.

Унинг қўшимча қилишича, ўзбек шахмати дунё миқёсида кучли бешталикдан жой олади.