Қашқадарё вилояти Яккабоғ туманида 18 июль куни маст эркак маҳалладошини пичоқлаб қўйди. Бу ҳақда вилоят Ички ишлар бошқармаси ахборот хизмати хабар берди.

Маълум бўлишича, тумандаги Обод маҳалла фуқаролар йиғинида яшовчи фуқаролар М.Ж. ва Й.Н. бирга спиртли ичимлик истеъмол қилиб, маст бўлган. Шу сабаб улар ўртасида жанжал содир бўлади. Атрофдагилар уларни ажратиб, уйига жўнатиб юборган.

Шу куни соат 21:00 атрофида Й.Н. уйидан ошхона пичоғини олиб, маҳалладоши М.Ж.нинг уйига бориб, уни дуч келган жойига бир неча марта пичоқ урган. Ҳолат юзасидан Яккабоғ туман прокуратураси томонидан жиноят иши қўзғатилиб, дастлабки тергов ҳаракатлари олиб борилмоқда.

Аввалроқ Навоийда муқаддам 5 марта судланган эркак қўшнисини пичоқлаганди. Ҳодиса эркак бошқа бир қўшниси билан жанжаллашаётган пайтда содир бўлган.