Ўзбекистонликлар ўтган 10 ойда электромобиллар импортига 55,4 миллион доллар сарфлади. Бу ҳақда Давлат статистика қўмитаси матбуот хизмати хабар берди.

Қайд этилишича, Ўзбекистон 2022 йилнинг январь-октябрь ойларида хориждан 1749 дона электромобиль импорт қилган. Электромобиллар импорти 2021 йилнинг мос даври билан солиштирилганда 1136 тага ошган.

Ўзбекистон жорий йилнинг 10 ойида энг кўп электромобиллар импорт қилинган давлатлар:

• Хитой – 1 528 дона;
• БАА – 111 дона;
• Германия – 48 дона;
• Гонконг – 37 дона;
• Литва – 10 дона;
• Жанубий Корея – 7 дона;
• бошқа давлатлар – 8 дона.

Аввалроқ Ўзбекистонда маҳаллий электромобиль хариди учун олинган кредит фоизининг бир қисми қоплаб берилиши, мамлакатда хизмат автомобиллари 2030 йилгача тўлиқ электромобилларга алмаштирилиши мумкинлиги тўғрисида хабар берилганди.