Англиянинг «Манчестер Юнайтед» клуби жамоанинг португалиялик ҳужумчиси Криштиану Роналду билан ўзаро шартномани бекор қилди. Бу ҳақда клуб расмий сайтида хабар берилди.

Маълум қилинишича, Криштиану Роналду ўзаро келишув асосида «Манчестер Юнайтед»ни тарк этади.

«Клуб унга ‘Олд Траффорд’да 346 та ўйинда 145 та гол ургани билан жамоа ғалабаларига катта ҳисса қўшгани учун миннатдорчилик билдиради ва унга ва унинг оиласига келажакда омад тилайди» дейилади хабарда.

Қайд этилишича, «Манчестер Юнайтед»дагилар барча эътиборни Эрик Тен Хаг қўл остида жамоа тараққиётини давом эттириш ва майдонда муваффақиятга эришиш учун биргаликда ишлашга қаратган.

Маълумот учун 38 ёшли ҳужумчи инглиз клубига 2021 йилнинг август ойида Италиянинг «Ювентус» жамоасидан келиб қўшилган ва ўзаро шартнома 2023 йилга қадар амал қилиши кўзда тутилганди.