23:55 | 30.12.22
Криштиану Роналду «Ал Наср» билан 2,5 йиллик шартнома имзолади — «Ал Арабия»
«Ал Арабия» нашри тарқатган хабарга кўра, португалиялик ҳужумчи «Ал Наср» клуби билан 2025 йилгача амал қиладиган шартнома имзолаган
Криштиану Роналду Саудия Арабистонининг «Ал Наср» клуби билан 2,5 йиллик шартнома имзолагани айтилмоқда. Бу ҳақда «Ал Арабия» нашри хабар берди.
Қайд этилишича, португалиялик 37 ёшли форвард Саудия Арабистони клуби билан 2025 йилга қадар шартнома имзолаган.
Аввалроқ Роналду ўзининг шов-шувли интервьюси ортидан 22 ноябрь куни «Манчестер Юнайтед» клуби билан шартномасини бекор қилганди. Футболчи Қатардаги Жаҳон чемпионатига клубсиз мақомда етиб борганди. Роналду ва Португалия терма жамоаси мундиалдаги юришини чорак финал босқичида Марокашдан учралган мағлубиятдан сабаб тўхтатган.
Мавзуга доир хабарлар билан танишинг:
