23:37 | 06.03.22
Бугуннинг энг сара суратларини эътиборингизга ҳавола этамиз
Баҳор кириб келганига бир ҳафта бўлиб қолди. Шунга қарамай 6 март куни Қашқадарёнинг Китоб туманидаги чекка қишлоқда қор ёғди. Дунё бўйлаб Россия-Украина урушига қарши намойишлар кўпаймоқда, Париж кўчаларини эса қўйлар эгаллаб олди. «Bugun.uz» ушбу фотожамланмада бугуннинг энг сара суратларини эътиборингизга ҳавола этади.
Қашқадарё вилояти Китоб туманидаги Аспидухтар қишлоғи тоғликларида қор ёғди. Ҳатто қишда ҳам кўпчилик кўрмаган қор баҳорнинг 6-кунида Китобда кузатилди.
Дунё бўйлаб Россиянинг Украинадаги босқинига қарши митинглар давом этмоқда. Юқоридаги суратда Лондоннинг Трафалгар майдонидаги намойишчилар тасвирланган. Уларнинг қўлида «Урушни тўхтат» ёзувларини кўриш мумкин.
АҚШ, Нью-Йорк. Украинадаги урушга қарши намойиш.
Худди шундай намойишлар Россиянинг ўзида ҳам бўлиб ўтмоқда. Лекин у ерда, бош ердагилардан фарқли ўлароқ, намойишчиларни қамоққа олиш билан якунланмоқда. Маълумотларга кўра, ҳозирги вақтга қадар мингдан ортиқ урушга қарши бўлган намойишчи қўлга олинган.
Туркиянинг Истанбул шаҳрида ҳам одамлар кўчага чиққан. Лекин улар бошқа мақсадда намойиш ўтказмоқда: Халқаро хотин-қизлар байрами яқин. Митингда аёллар рақсга тушаётганини кўриш мумкин.
Йўқ, қўйлар урушга қарши эмас. Улар шунчаки Халқаро қишлоқ хўжалиги ярмаркасининиг сўнгги кунини ўтказиб, Парижнинг асосий кўчаларидан биридан ўтиб ортга қайтмоқда.
Украинанинг Ирпин шаҳридаги рус ҳарбийлари томонидан берилган авиазарба оқибатида зарарланган (деярли йўқ бўлган) тинч аҳоли уйи.
Буюк Британиянинг Уолней қишлоғидаги сув босган кўприкда машиналар ҳаракатланмоқда.
Непаллик қиличбозлар миллий қиличбозлик чемпионатида.
Мавзуга доир хабарлар билан танишинг: