Янгиҳаёт туманида жамоат савдо-кўнгилочар бульвари яратилади. Бу ҳақда Тошкент шаҳар ҳокимлиги ахборот хизмати хабар берди.

«Ушбу бульвар — болалар билан дам олиш, гастрономия, кўнгилочар тадбирлар ва шаҳар ҳаёти бирлашадиган жойдир. Лойиҳа шаҳар учун ноёб ва жозибадор, чунки иншоотлар енгил конструкциялардан қурилади, бу эса туманга ўзига хос муҳит яратиб, шаҳар аҳолисини жалб қилади», дейилади хабарда.

Лойиҳа дастлабки тарзда қуйидагиларни ўз ичига олади:

• гастрономик ҳудуд: қаҳвахоналар, ресторанлар, тез таомлар ва бошқалар;
• спорт ҳудуди: фитнес маркази, баскетбол майдончаси, футбол майдони ва кўча спорти учун бошқа иншоотлар, шунингдек, спорт товарлари дўконлари;
• савдо ҳудуди: кийим-кечак дўконлари, эко бозор ва бошқа савдо бинолари;
• болалар кўнгилочар ҳудуди: батут маркази, ўйин майдончалари ва болалар автодроми.

Маълумот учун:

• Лойиҳа майдони – 3,1 га;
• Узунлиги – 1 км;
• Лойиҳа ҳудудида жойлашадиган контейнерлар сони – 250 та;
• Функционал зоналар сони – 4 та;