Бугуннинг энг сара суратларини эътиборингизга ҳавола этамиз.

Бразилия президенти Луис Инациу Лула да Силва ва Аргентина президенти Алберто Фернандес Лула да Силванинг инаугурациядан кейин хорижга илк расмий ташрифи чоғида Каса Розада президент саройида икки томонлама шартнома имзолаш маросимида иштирок этишди .

Ўзбекистон ва Россия газ соҳасида ҳамкорлик бўйича «йўл харитаси»ни имзолади.

АҚШнинг Калифорния штатидаги Монтеррей-Паркда оммавий отишма қурбонлари хотирасига мотам тутиш маросимида қатнашаётган аёл. Рақс студиясида содир бўлган отишмада 11 киши ҳалок бўлди, бир неча киши яраланди.

Калифорниянинг шимолий қирғоқ бўйидаги Ҳалф Мун Бей шаҳридаги икки жойда оммавий отишма содир бўлганидан кейин гумонланувчи ҳуқуқ-тартибот ходимлари томонидан ҳибсга олинди.

Перунинг Лима шаҳрида президент Дина Болуарте ҳукуматига қарши намойишлар чоғида полицияга қарши чиққан намойишчи. Намойишчилар умумий сайловлар ўтказилишини, президентнинг лавозимидан четлатилишини ва полиция билан тўқнашувлар чоғида ҳалок бўлган намойишчилар устидан адолат ўрнатилишини талаб қилмоқда.

Швециядан сўнг Нидерландияда ҳам Қуръон китоби ёқиб юборилди.

Ғазо шаҳрида Швецияда Қуръон китобининг ёқиб юборилишига қарши норозилик намойиши чоғида фаластинлик мактаб ўқувчиси Қуръон нусхасини ушлаб турибди. Даниянинг ўта ўнгчи «Stram Kurs» сиёсий партияси раҳбари Расмус Палудан 21 январь куни Стокгольмдаги Туркия элчихонаси олдида норозилик намойиши чоғида унинг нусхасини ёқиб юборди.

Жанубий Кореянинг Квангжу ҳудудида кучли қор бўрони вақтида ҳаракатланаётган автомобиллар.

Италиянинг Ассиси ҳудудида қорбўрон ўйнаётган роҳиб.

Ўзбекистоннинг Қирғизистон билан чегарадош ҳудудида яшовчи фуқаронинг молхонасида юзага келган ёнғин қўшни давлатдан сув олиб келиниб ўчирилди. Фуқаролар қирғизистонлик чегарачилардан рухсат олган ҳолда чегарани кесиб ўтган ҳамда ўз вақтида кўрсатилган ёрдам туфайли ёнғин ўчирилган

Ҳиндистоннинг Бангалор шаҳрида хавфсизлик ходимлари 74-Республика байрами олдидан ҳарбий либосларини тартибга келтирмоқда.

Моделлар Париж мода ҳафталиги доирасидаги кўргазмада чиқиш қилмоқда.

«ПСЖ» ҳужумчиси Килиан Мбаппе жамоанинг «Пей де Кассель»га қарши кубок ўйинида бешта гол киритди.