Фарғона вилояти Данғара туманида масжидда таҳорат олаётган танишини пичоқлаган эркакка суд ҳукми ўқилди. Бу ҳақда Олий суд матбуот хизмати хабар берди.

Маълум бўлишича, эркак жабрланувчининг бош, бўйин, кўкрак ва қорнига бир неча маротаба пичоқ санчиб, воқеа жойидан қочиб кетган. Пичоқланган фуқарога кўрсатилган тиббий ёрдам сабаб унинг ҳаёти сақлаб қолинган.

Аниқланишича, айбланувчи кучли таъсир қилувчи модда истеъмол қилгани учун сарҳуш ҳолатда бўлган. Унга нисбатан 11 йилга озодликдан маҳрум қилиш жазоси тайинланди. Жазо умумий тартибли колонияларда ўталиши белгиланди.