Баҳодир Жалоловнинг Париж Олимпия ўйинларида такрорий олтин медали ҳаваскор турнирда профессионал боксчиларнинг ўрни ҳақида яна қизғин баҳс-мунозараларга сабаб бўлди.

Қайд этилишича, ўзбекистонлик спортчининг профессионал бўлган ҳолда икки олимпиада ғалабасига эришиши анчадан буён давом этаётган мунозарани кескинлаштирди. Улар профессионалларнинг иштироки бутун умрини ҳаваскор боксга бағишлаган спортчиларга нисбатан адолатсизлик деб ҳисоблашади. Танқидчиларнинг далиллари профессионалларнинг юқори маҳорат даражаси, яхшироқ жисмоний тайёргарлик ва тажрибага эга эканлиги, бу эса уларга шубҳасиз устунлик беришига асосланади.

«Баҳодир Жалолов ҳеч қачон Олимпиадада қатнашмаслиги керак эди. Ҳаваскор боксчилар учун бу уларнинг ҳаваскорлик карьерасининг чўққиси, профессионалларга ҳеч қачон қатнашишга рухсат берилмаслиги керак. Бу ўйинлар устидан кулишдир», — деди танқидчилардан бири.

«Жалолов профессионал бўла туриб, шунчаки ҳаваскор жангчиларни дўппослаяпти»,  — дея қўшимча қилади бошқаси.

Олимпиада ўйинларида профессионалларга рухсат бериш масаласи очиқ қолмоқда. Халқаро Олимпия қўмитаси боксни Ўйинлар дастуридан бутунлай чиқариб ташлаш имкониятини бир неча бор кўриб чиққан. Бу муаммони ҳал қилиш дунёдаги энг оммабоп спорт турларидан бирининг келажагига сезиларли таъсир кўрсатиши мумкин.