Буюк Британия ҳукумати санкциялар рўйхатига Россиянинг янги жисмоний ва юридик шахсларини киритишни режалаштирмоқда. Бу ҳақда ҳукуматдаги манбаларига таяниб, Bloomberg агентлиги хабар берди.

Қайд этилишича, санкциялар рўйхатидан коррупцияга боғлиқ ва инсон ҳуқуқларининг бузилишига масъул шахслар ҳам киритилади.

7 декабрь куни Еврокомиссияси Россияга қарши санкцияларнинг тўққизинчи пакетини эълон қилди. Ундан мамлакатнинг қарийб 200 нафар жисмоний ва юрдик шахслари ўрин олган. Экспорт назорати борасида янги чоралар қўлланилади, тоғ-кон саноатига инвестициясига тақиқ қўйилади, шунингдек, санкциялар Россиянинг яна учта банкига таъсир кўрсатади. Бундан ташқари, тўртта Россия каналининг эфири блокланади.

Аввалроқ Евроиттифоқ Россияга қарши саккизинчи санкциялар пакетини тасдиқлагани, шунингдек, ЕИ Россияга дрон сотгани учун Эронга янги санкциялар қўллагани ҳамда Европа Иттифоқи Туркияга ҳам санкция қўллаши мумкинлиги ҳақида хабар берилганди.