Хориж манбаларининг хабар беришича, америкалик миллиардер Илон Мaск шу йилнинг 22-24 ноябр кунлари Москвада бўлиб ўтадиган сунъий интеллектга бағишланган AI Journey 2023 халқаро конференциясида нутқ сўзлайди.

Конференцияда Маск яқин келажакда Х ижтимоий тармоғига қўшиладиган Grok нейрон тармоғи ҳақида ўз фикрларини айтишни режа қилган. Унда Маскдан ташқари, Хитой ва Ҳиндистондан келган сунъий интеллект тадқиқотчилари ва ишлаб чиқувчилари ҳам иштирок этиши кутилмоқда.

Grok бу — сунъий интеллект технологиясига асосланган чатбот, GPT чатининг рақиби. Маск сунъий интеллектни тузиш учун Х ижтимоий тармоғидаги маълумотлардан фойдаланган.

Ишлаб чиқувчиларнинг фикрига кўра, Grok фойдаланувчиларнинг деярли барча саволларига, шу жумладан цензура туфайли рақибларнинг чатботлари томонидан эътиборсиз қолдирилган саволларга ҳам жавоб бера олади. Шу билан бирга, аниқроқ жавоб олиш учун сўровни қандай тузиш кераклигини ҳам тушунтириб беради. Маск бундан ташқари, Grok ҳазил-мутойиба ҳам қилиб туришини, шунинг учун, ҳазилни ёқтирмайдиган одамлар ундан фойдаланмасликлари кераклигини таъкидлаган.

Эслатиб ўтамиз, аввалроқ Х (Twitter) барча фойдаланувчилар учун пуллик бўлиши айтилганди. Шунингдек, Илон Маск бир кунда 16,1 миллиард доллар йўқотганди.