Ўзбекистон 55 та давлатга тўқимачилик маҳсулотларини экспорт қилган. Бу ҳақда Статистика агентлиги матбуот хизмати хабар берди.

Қайд этилишича, Ўзбекистон 2024 йилнинг январь-май ойларида қиймати қарийб 1,3 млрд АҚШ долларлик тўқимачилик маҳсулотларини экспорт қилган.

Бу кўрсаткич умумий экспортнинг 11,8 фоизини ташкил этиб, ўтган йилнинг мос даврига нисбатан 0,5 фоизга ошган.

Экспорт қилинган тўқимачилик маҳсулотлари таркибида тайёр тўқимачилик маҳсулотлари (37,6 фоиз), калава-ип (46,8 фоиз) асосий улушни эгаллаган.

2024 йилнинг январь-май ойларида дунёнинг 55 та давлатига тўқимачилик маҳсулотлари экспорт қилинган.