16:37 | 21.05.22
Ўзбекистонга АҚШ давлат департаменти делегацияси ташриф буюради
Жараён давомида қандай масалалар муҳокама қилиниши маълум бўлди
Ўзбекистонга 23–25 май кунлари АҚШ Давлат департаменти делегацияси ташриф буюради. Бу ҳақда Ташқи ишлар вазирлиги матбуот хизмати хабар берди.
Маълум қилинишича, АҚШ делегациясининг Ўзбекистонга ташрифи давлат котибининг Жанубий ва Марказий Осиё ишлари бўйича ёрдамчиси Дональд Лу бошчилигидаги бўлиб ўтади.
Қайд этилишича, бўлажак учрашувлар ва музокаралар чоғида турли соҳалардаги Ўзбекистон-АҚШ муносабатларининг бугунги ҳолати ва ривожланиш истиқболлари муҳокама қилинади. Минтақавий ва халқаро масалалар юзасидан ҳам фикр алмашилади.
Аввалроқ АҚШ давлат котиби ўринбосари Венди Шерман Ўзбекистонга келиши хабар берилганди. Шунингдек, АҚШ давлат департаменти Ўзбекистонга оид инсон ҳуқуқлари бўйича 2021 йил билан боғлиқ ҳисоботини эълон қилганди.
Мавзуга доир хабарлар билан танишинг:
