«GlobalPetrolPrices» портали дунёдаги энг арзон бензинга эга давлатларни эълон қилди. Унда Ўзбекистон 34-ўринни эгаллади.

Маълум қилинишича, рўйхатдан 170 та давлат ўрин олган. Ўзбекистонда 1 литр бензин нархи 0,883 долларга баҳоланган. Дунё бўйлаб бензиннинг ўртача нархи 1 литр учун 1,32 долларни ташкил қилган. Турли мамлакатларда бензин нархида сезиларли фарқ бор.

Порталга кўра, бой мамлакатларда нархлар юқори бўлса, қашшоқ ҳамда нефть ишлаб чиқариб, экспорт қилувчи мамлакатларда нархлар сезиларли даражада паст бўлади. Энг арзон бензин Венесуэлада — бир литр учун 0,025 доллар. Кўрсаткич Ливияда 0,032 доллар ва Эронда 0,051 доллар бўлган. Қозоғистон 1 литр учун 0,393 доллар билан 8-ўринни қайд этган. Туркманистонда бензин 0,428 доллар (10-ўрин), Қирғизистонда 0,634 доллар, Афғонистонда 0,907 долларга (37-ўрин) баҳоланган.

Аввалроқ Қозоғистон ҳукумати бензин ва бошқа ёнилғиларга акциз солиғини оширмоқчилиги ҳақида хабар берилганди. Шунингдек, Ўзбекистон 11 ойда қанча бензин сотиб олгани маълум қилинган.