Сирдарё вилоятининг Боёвут туманида ўқишга киритиб беришни ваъда қилган шахс ушланди. Бу ҳақда Бош прокуратура ҳузуридаги Департамент хабар берди.

Келтирилишича, фуқаро И.И. икки киши — С.М. ва О.Р.нинг ишончига кириб, уларни 4000 АҚШ доллари эвазига Қозоғистондаги олий ўқув юртларидан бирига ўқишга киритиб, кейинчалик ўқишини Ўзбекистондаги университетлардан бирига кўчириб беришини айтган. У 3900 АҚШ доллари ва 1,2 миллион сўмни фирибгарлик йўли билан олган вақтида ашёвий далиллар билан ушланган.

Ушбу ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, ҳозирда тергов ҳаракатлари олиб борилмоқда.

Аввалроқ, Навоий ва Фарғона вилоятида ўқишга киритиб қўйиш билан боғлиқ фирибгарлик ҳолатлари фош этилганди.