Тошкент ҳокимлиги матбуот хизмати хабар беришича, бугун, 13 ноябр куни «Ўзбекистон темир йўллари»АЖ қарашли «Чуқурсой» подстанциясида юзага келган носозлик туфайли, Юнусобод туманида жойлашган 4- қозонхонанинг 2-навбати ўчирилган.

Шу сабабли пойтахтнинг учта тумани айрим жойларида иссиқ сув ва иссиқлик таъминоти вақтинча ўчирилган.

Мазкур ҳудудлар:

Юнусобод тумани:

• Марказ-2, Марказ-4, 5, 6 мавзеларида жойлашган турар жойлар, ижтимоий муассаса ва маъмурий бинолар;
• Ҳакимзода, Ж. Обидова, Эргашева, Ниёзбек йўли, Арифова кўчалари, А.Темур ва Қорасарой шоҳкўчалари.

Олмазор тумани:

• Қорақамиш 1/1, Қорақамиш 1/2, Қорақамиш 2/1, Қорақамиш 2/3, Қорақамиш 2/5, Марказ-22 мавзелари, Ғофур Ғулом, Тахтапул, Себзор, Марказ-17/18, Шимолий Олмазор, А. Бобожонова, Қорасарой, Файзи Баланд, Абдурахмонов, Сағбон, Ёлқин, Дадабоев, Ўрозбоев, Юнусов, Мухбир, Келес йўли, Норазтепа кўчаларида жойлашган турар жойлар, ижтимоий муассаса ва маъмурий бинолар.

Шайхонтоҳур тумани:

• Зулфияхоним, У.Юсупов, Лабзак кўчаларида жойлашган турар жой уйлари.

«Ноқулайликлар учун узр сўраймиз ва таъминот ярим тунга қадар тикланишини маълум қиламиз», – дейилган хабарда.

Аввалроқ, Тошкент шаҳрининг баъзи ҳудудларига иссиқлик қуввати етиб бормаганлиги ҳақида хабарлар тарқалганди.