Украина президенти Владимир Зленский Вашингтонга боргани тўғрисида хабар берилганди. У АҚШ Конгрессида нутқ сўзлаб, Украина ҳеч қачон таслим бўлмаслигини маълум қилди.

«Биз ғалаба қозониб бўлдик, чунки биз қўрқмаймиз. Россия зулми устимиздан назоратни йўқотди. Россияликларнинг ўзи эса Кремлнинг ривоятларини ўз онгида мағлуб этгандагина озод бўлади. Бу фақатгина ҳудуд учун уруш эмас — у фарзандларимиз ва набираларимиз қайси дунёда яшашини белгилаб беради. Уни музлатиб ва кечиктириб бўлмайди.

Дунё бир-бирига жуда ҳам боғлиқ, ҳеч ким четда қола олмайди. АҚШ қўшинлари 1944 йили Рождество олди нацистларга қарши курашганди, ҳозир эса бизнинг қўшинларимиз Россияга қарши урушяпти. Украина бардош бермоқда ва ҳеч қачон таслим бўлмайди. Биз ҳеч қачон америкалик аскарлар бизнинг ҳудудимизда ўрнимизга жанг қилишини сўрамаганмиз — украиналик ҳарбийлар Америка танклари ва самолётларини ўзлари бошқара олади. Аммо сизларнинг молиявий қўллаб-қувватловингиз жуда муҳим. Бу хайрия эмас, балки глобал хавфсизлик ва демократия учун инвестициядир.

Россияга агарда истаганида тажовузкорликни тўхтатган бўларди. Аммо у Кремль томонидан заҳарланган ва ундан тинчлик ўрнатиш учун бирор қадам кутиш гўллик бўларди. Сизлар Россия уруш оқибатлари қанчалик оғир эканини ҳис қилиши учун санкцияларни кучайтиришингиз мумкин. Келинглар, шуни қиламиз. Икки кундан кейин Рождествони шамлар ёруғида нишонлаймиз. Бу роматика бўлгани учун эмас, балки бизда электр энергия йўқлиги учун. Аммо биз шикоят қилмаймиз. Қалбимиздаги нурни ўчириб ўлмайди. Бахмутдаги ҳарбийлар топширишни сўраган байроқни сизларга совға қиламан. Курашишни давом этамиз ва ғалаба қозонамиз, чунки биз бирдаммиз. Худо қуролли кучларимизни, Қўшма Штатларни ҳимоя қилсин. Рождество билан. Украинага шон-шараф», — деган Зеленский.

Аввалроқ The Time журнали Владимир Зеленскийни «Йил одами» деб эълон қилгани, Зеленский Учинчи жаҳон урушини бошлашга уринишда айблангани, Зеленский урушни тўхтатишнинг 10 та шартини маълум қилгани тўғрисида хабар берилганди.