Глобал таҳлил маркази ҳисобланувчи Иқтисодиёт ва тинчлик институти 2021 йилги энг тинчликсевар давлатлар рейтингини эълон қилди. Бу ҳақда институт веб-сайтида хабар берилди.

«Тинчликнинг глобал кўрсаткичи» ҳисоботига кўра, Ўзбекистон рейтингга киритилган 163 мамлакат ичида 90-ўринни эгаллаган ва ўртача тинчлик кўрсаткичига эга мамлакатлар гуруҳидан жой олган. 

Энг тажовузкор давлатлар сифатида Шимолий Корея, Венесуэла, Судан, Россия ҳамда Ливия қайд этилган. Сурия, Яман ва Афғонистон рейтингга якун ясаган.

Исландия энг тинч мамлакат сифатида тан олинган. Кучли ўнталикка эса Янги Зеландия, Дания, Португалия, Словения, Австрия, Швейцария, Ирландия, Чехия, Канада, Сингапур ва Япония киритилган. Умумий ҳисобда 87 мамлакатда тинчлик кўрсаткичининг ўсиши, 73 мамлакатда эса пасайиши кузатилган. 

Маълумот ўрнида, жаҳон рейтингини тузишда ижтимоий бирдамлик даражаси, инсон ҳуқуқларига риоя қилиш, сиёсий ва иқтисодий барқарорлик, қамоқхоналардаги маҳбуслар сони, терроризм таҳдиди даражаси, мудофаа харажатлари ҳамда ҳарбий ҳаракатлар каби омиллар ҳисобга олинган.

Аввалроқ Ўзбекистоннинг Иқтисодий эркинлик индексидаги ўрни маълум бўлганди. Шунингдек, пахта етиштириш бўйича ҳам жаҳондаги ўрни хабар берилган эди.