Жиззах вилояти Экология, атроф-муҳитни муҳофаза қилиш ва иқлим ўзгариши бошқармаси Зомин тоғ-ўрмон давлат қўриқхонасидан айиқ қочиб кетгани тўғрисидаги хабарларни рад этди.

Қайд этилишича, Зомин давлат қўриқхонасида айиқлар табиий равишда яшайди. Қўриқхона ходимларига кўра, шу кеча-кундузда ушбу ҳудуддан айиқ қочиб кетгани ҳолати кузатилмаган.

Бошқарма ижтимоий тармоқларда тарқалган хабарлар ҳақиқатга мос келмаслигини маълум қилиб, аҳолидан ортиқча хавотирга тушмаслик сўраган.