Наманган вилоятида 27 сентябрь куни катта тезликда келаётган Epica 9 ёшли мактаб ўқувчисини уриб юборди. Ҳолат юзасидан вилоят Йўл ҳаракати хавфсизлиги бошқармаси расмий муносабат билдирди.

Қайд этилишича, «Нуробод» маҳалласи ҳудудидан ўтган автомобиль йўлида Наманган шаҳар йўналишида ҳаракатланиб кетаётган Косонсой туманида яшовчи фуқаро Epica’да ҳаракат хавфсизлигини таъминлай олмай, йўлни кесиб ўтаётган 2013 йилда туғилган пиёдани уриб юборган.

Ҳодиса оқибатида бола тан-жароҳати билан шифохонага ётқизилган. Ҳозирда ҳолат юзасидан шаҳар Ички ишлар органи фаолиятини мувофиқлаштириш бўлими ҳузуридаги тергов бўлими томонидан тергов ҳаракатлари олиб борилмоқда.

Аввалроқ Бухорода 38 ёшли аёл ўзини поезд тагига ташлагани ҳақида хабар берилганди. Шунингдек, Шуингдек, Фарғонада аёл жонига қасд қилиш мақсадида ўзини поезд тагига ташлаган эди. 25 сентябрь куни Қашқадарё вилояти Косон тумани ҳудудида жойлашган Косон—Суғдиёна поезд бекатлари оралиғида юк поезди 19 ёшли қизни уриб юборган.