AVO bank’ка (собиқ «Ўзагроэкспортбанк») ўз устав капиталини қонун талаблари даражасига етказмагани учун кредит бериш ва депозит операцияларини амалга ошириш тақиқланди. Бу хақда
Марказий банк матбуот хизмати хабар берди.

Маълум қилинишича, «Банклар ва банк фаолияти тўғрисида»ги қонунга мувофиқ, банк устав капиталининг энг кам миқдори 2023 йил 1 сентябрдан эътиборан 200 миллиард сўмни ташкил этиши кераклиги белгиланган.

Бироқ, AVO bank АЖнинг устав капитали 105 млрд сўмни ташкил этган ҳолда банк устав капитали миқдори қонунчилик талабларига мувофиқлаштирилмаган.

Шу сабабли, «Банклар ва банк фаолияти тўғрисида»ги қонунчиликка мувофиқ, Банк назорати қўмитаси қарорига асосан ушбу банкка нисбатан кредитлаш ва бошқа харажатларни молиялаштириш ҳамда депозит операцияларини амалга ошириш тақиқланган.

Эслатиб ўтамиз, аввалроқ учта тўлов тизимининг лицензияси Марказий банк томонидан чақириб олинганди.