Хориждаги нашрларнинг ёзишича, Япониянинг Киото университети тадқиқот гуруҳи ёғочдан ясалган ғайриоддий сунъий йўлдош яратишни режа қилган. Ушбу ноёб қурилмани ишга тушириш Япониянинг JAXA космик агентлиги ва NASA’нинг қўшма миссияси доирасида 2024 йил ёзда амалга оширилиши белгиланган.

Ушбу материал танлови ғайриоддий туюлсада, олимлар ёғоч космик муҳитда фойдаланиш учун идеал эканлигини айтишган.

«Ерда ёғоч кислород ва микроорганизмлар билан ўзаро таъсири туфайли ёниш, чириш ва деформацияга мойил. Бироқ, космосда муаммолар мавжуд эмас. Шунинг учун, бундай шароитларда ёғоч ёмонлашмайди.
Ёғоч алюминий билан бир хил кучга эга. Ушбу материал ҳам экологик жиҳатдан қулай ва космик кема фойдаланишдан чиқарилгандан кейин, атмосферада осонгина ёниб кетади» деган Киото университетининг лойиҳа тадқиқотчиларидан бири.

Мутахассисларнинг фикрича, лойиҳа келажакка ажойиб қарашни ифодалайди. Бу космик чиқиндилар муаммосини ҳал қилиши ва космик агентликларнинг пулларини тежаши мумкин.

Маълумот учун, LignoSat деб номланган янги сунъий йўлдош магнолия ёғочидан ишлаб чиқарилган бўлиб, илғор космик технологияларни ривожлантиришга қаратилган  J-Cube дастури доирасида синовдан ўтказилади. Тажрибанинг асосий мақсади —камида олти ой давомида коинотнинг экстремал шароитларида унинг хатти-ҳаракатларини кузатишдан иборатдир.

Эслатиб ўтамиз, аввалроқ Президент Мирзиёев космик тармоқни ривожлантириш бўйича тақдимот билан танишиб, соҳани янада ривожлантириш борасида қарор қабул қилганди.