АҚШ 9 декабрь куни Россия ва Хитойга қарши янги санкцияларни эълон қилиши кутилмоқда, деб хабар беради The Wall Streat Journal.

Қайд этилишича, жисмоний шахсларга нисбатан жорий этиладиган санкциялар билан ушбу фуқароларнинг АҚШ юсдикциясидаги активларини «музлатиш», уларнинг Қўшма Штатларга сафарларини ва мамлакат билан иш бўйича муносабатларини тақиқлаш назарда тутилади.

Газетанинг ёзишича, кутилаётган санкцияларнинг аксарият қисми «Магнитский қонуни»га асосланган.

Хитойга қарши эса Тинч океанида ноқонуний балиқчилик билан шуғулланиш бўйича айбловлар эълон қилиши кутилмоқда.

Эслатиб ўтамиз, 7 декабрь куни Еврокомиссияси Россияга қарши санкцияларнинг тўққизинчи пакетини эълон қилди. Ундан мамлакатнинг қарийб 200 нафар жисмоний ва юрдик шахслари ўрин олган. Экспорт назорати борасида янги чоралар қўлланилади, тоғ-кон саноатига инвестициясига тақиқ қўйилади, шунингдек, санкциялар Россиянинг яна учта банкига таъсир кўрсатади. Бундан ташқари, тўртта Россия каналининг эфири блокланади.

Аввалроқ Евроиттифоқ Россияга қарши саккизинчи санкциялар пакетини тасдиқлагани, шунингдек, ЕИ Россияга дрон сотгани учун Эронга янги санкциялар қўллагани ҳамда Европа Иттифоқи Туркияга ҳам санкция қўллаши мумкинлиги ҳақида хабар берилганди.