Беҳзод Мусаев номзоди соғлиқни сақлаш вазири лавозимига маъқуллагани маълум бўлди. Бу ҳақда Олий Мажлис қонунчилик палатаси матбуот хизмати хабар берди.

Маълум қилинишича, амалдаги қонун ҳужжатларига биноан Вазирлар Маҳкамаси аъзолари вазир лавозимига тайинланишидан аввал уларнинг номзоди Олий Мажлис Қонунчилик палатасида депутатлар томонидан кўриб чиқилади.

Қайд этилишича, 2021 йил 11 ноябрь куни Олий Мажлис Қонунчилик палатасининг навбатдаги мажлиси бўлиб ўтган. Унда депутатлар соғлиқни сақлаш вазири лавозимига Беҳзод Мусаев номзодини кўриб чиқиб, маъқуллаган.

Маълумот ўрнида, Мусаев 2010–2011 йилларда ва 2018 йил мартидан декабригача Давлат солиқ қўмитаси раиси ўринбосари, 2018 йил декабридан қўмита раиси лавозимларида ишлаган. 2020 йилнинг майида бош вазирнинг ижтимоий ривожлантириш масалалари бўйича ўринбосари лавозимига тайинланган. У 2020 йил ёзида собиқ соғлиқни сақлаш вазири Алишер Шодмонов бетоб бўлиб шифохонага ётқизилганда ҳам бир муддат вазир вазифасини бажариб турган.

Эслатиб ўтамиз, аввалроқ Президент қарорига асосан 2020 йил 3 ноябрь куни соғлиқни сақлаш вазири лавозимига Абдуҳаким Ҳожибоев тайинланганди.