22:22 | 17.11.23
Филиппинда 6,7 магнитудали зилзила рўй берди — видео
Оқибатда, бир киши ҳалок бўлган, яна 18 филиппинлик жароҳат олган.
Хориж нашрлари Филиппиннинг Буриас оролида кучли зилзила содир бўлиши оқибатида бир нафар киши ҳалок бўлгани ва 18 нафар одам жароҳатланганини ёзмоқда.
Айтилишича, зилзила маҳаллий вақт билан соат 08.14 да қайд этилган. Зилзила эпицентри Буриас оролидан 26 километр жануби-ғарбда жойлашган. Ўчоқ 78 километр чуқурликда жойлашган.
Зилзила минтақадаги бир қатор иншоотларга зарар етказган, электр энергиясининг қисман узилиши содир бўлган. Ўз навбатида, Филиппин вулканология ва сейсмология институти (Phivolcs) ҳозирги вақтда цунами хавфи йўқлигини айтган.
Маълумот учун, Филиппин дунёдаги энг юқори сейсмик фаолликка эга мамлакатлардан биридир. Чунки у, Тинч океанидаги олов ҳалқасида жойлашган.
Мавзуга доир хабарлар билан танишинг:
