Кинематография агентлиги ташаббуси билан ташкил этилган Кинокарвон акцияси Сурхондарё воҳасига етиб келди. Агентлик матбуот хизмати бу ҳақда Bugun.uz’га хабар қилди.

Қайд этилишича, ўзбек киносининг ёрқин киноижодкорлари Шоҳида Узоқова, Мукаррам Бекмуродова, Умид Шодмонов, Умид Искандаров, Бекзод Тожиев, Ўткир Менглиев, Йигитали Мамажонов, Шавкат Комилов ҳамда Фарруҳ Ботировлар ушбу ҳудудга ташриф буюрган.

Киноижодкорлар Термиз давлат университети, 18299 ва 11506 ҳарбий қисмларда ижодий учрашувлар ташкил этган. Бундан ташқари, «Судья», «Абдулла Орипов» бадиий фильмлари намойиши бўлиб ўтган.

Эслатиб ўтамиз, 2022 йилда ҳам Наврўз байрами муносабати билан республика бўйлаб кинокарвон акцияси ўтказилганди. Шунингдек, 2022 йилнинг апрел ойида Маданият ва санъат ходимлари куни муносабати билан кинокарвон тадбирлари ташкил этилган.