20:00 | 15.09.22
«Бугун суратлари»нинг бугунги сонини ШҲТ саммитидан олинган суратларга бағишлаймиз
Президент Шавкат Мирзиёев ва Хитой Халқ Республикаси Раиси Си Цзиньпин Самарқандда ўтказилган музокаралардан сўнг «Буюк ипак йўли» халқаро туризм маркази боғида дарахт экди.
Шавкат Мирзиёев ва Си Цзиньпин музокаралардан аввал.
Шавкат Мирзиёев Хитой Халқ Республикаси Раиси Си Цзиньпинни Ўзбекистон Республикасининг олий даражадаги Дўстлик ордени билан мукофотлади.
Россия президенти Владимир Путин куннинг биринчи ярмида ШҲТ саммитида иштирок этиш учун Самарқандга етиб келди. Суратда Путин Самарқандга учиб кетиш олдидан.
Туркманистон президенти Сердар Бердумуҳаммедов Самарқандга ташрифи давомида Ҳазрати Хизр мажмуасига бориб, биринчи президент Ислом Каримов қабрига гул қўйди.
Ражаб Тоййиб Эрдўған ва рафиқаси Эмине Эрдўған Самарқандга келди. Туркия президенти ШҲТ саммитида фахрий меҳмон сифатида иштирок этади.
Шавкат Мирзиёев Беларусь президенти Александр Лукашенко билан учрашув ўтказди. Беларусь раҳбари Самарқанддаги ШҲТ саммитида иштирок этди.
Шанхай ҳамкорлик ташкилотининг Самарқанд саммитида Эрон Ислом Республикасининг Ташкилотга аъзо давлат мақомини олиш мажбуриятлари тўғрисидаги меморандум имзоланди. Эрон 2005 йилдан буён Ташкилотда кузатувчи давлат мақомида иштирок этиб келаётганди.
Тожикистон президенти Эмомали Раҳмон куннинг биринчи ярмида Самарқандга келди ва Ислом Каримов хотирасини ёд этиб, қабрига гул қўйди.
Шавкат Мирзиёев ШҲТ саммитида қатнашиш учун Самарқандга келган Покистон бош вазири Шаҳбоз Шариф билан учрашди.
Қозоғистон президенти Қосим-Жўмарт Тўқаев куннинг иккинчи ярмида Самарқандга етиб келди.
Шавкат Мирзиёев Россия президенти Владимир Путин билан учрашди.
Мавзуга доир хабарлар билан танишинг: