Эрта ёшдаги болалар таълим сифати ва натижаларини баҳолаш бўйича халқаро MELQO баҳолаш тизими асосида 532-сонли давлат мактабгача таълим ташкилотида таълим-тарбия жараёни сифатини баҳолаш бўйича 22 апрел 2024 йилда тадбир булиб утди. Бу хакида Bugun.uz мухбири хабар берди.

Президент раислигида 2024 йил 5 февралда ижтимоий соҳадаги устувор вазифалар муҳокамасига бағишланган йиғилишда белгиланган вазифалар ижросини таъминлаш мақсадида мактабгача таълим тизимидаги устувор йўналишлардан бири мактабгача таълим сифатини MELQO халқаро баҳолаш тизими асосида баҳолаб, кейинги ўринда уни миллий даражада янада тадбиқ этиш мақсад қилиб белгиланган.

2024 йил 1-чорак ҳолатига кўра қуйидаги ишлар амалга оширилди:

• MELQO халқаро  баҳолаш воситаси Ўзбекистон Республикаси илк ва мактабгача ёшдаги болаларнинг ривожланишига қўйиладиган давлат талаблари ва «Ilk qadam» давлат ўқув дастурига мувофиқлаштирилди;
• барча материаллар рақамлаштирилиб, ўзбек, қорақалпоқ ва рус тилларига таржима қилинди;
  250 Давлат мактабгача таълим ташкилотларини танлаб олиш мезонлари ишлаб чиқилди (шаҳар, туман (қишлоқ) ҳудудлари, 5-6 ва 6-7 ёшли гуруҳларнинг мавжудлиги, гендерлик/ўғил бола ва қиз бола);
• Жаҳон банкининг ҳалқаро экспертлари иштирокида тасодифий танлов (рондом усулида) ҳар бир ҳудуддан 250 Давлат мактабгача таълим ташкилоти танлаб олинди;
• 250 Давлат мактабгача таълим ташкилотларининг танлов натижалари қуйидагича амалга оширилди: шаҳар ҳудуди –  68 (24%) туман (қишлоқ) ҳудуди –  182 (76%);
• 250 Давлат мактабгача таълим ташкилотларининг ҳар бир ҳудуддан манзилли рўйхати шакллантирилди;
• ҳудудий бошқармаларни ҳабардор қилиш мақсадида мактабгача таълим сифатини MELQO халқаро баҳолаш воситаси асосида баҳолаш ишларини ташкил қилиш бўйича Мактабгача таълим агентлигининг 2024 йил 11 мартдаги «Эрта ёшдаги болалар таълим сифати ва натижаларини баҳолаш бўйича халқаро MELQO баҳолаш тизими асосида давлат мактабгача таълим ташкилотлари таълим-тарбия жараёни сифатини баҳолаш тўғрисида»ги 23-сонли буйруғи ишлаб чиқилди ва ММТВ билан келишилди ҳамда ҳудудий мактабгача ва мактаб таълими бошқармаларига етказилди;

«Ўзбекистонда мактабгача таълим тизимининг сифатини ўлчаш учун ҳеч қандай восита мавжуд эмас эди: на миллий, на халқаро. Миллий тизим сертификатлаштириш ва аккредитация шаклида бўлиб, бу бутун вазиятни тўлиқ очиб бермади. Жаҳон банки лойиҳаси доирасида мактабгача таълим сифатини MELQO баҳолаш тизимини жорий этишга қарор қилинди. Асосий мақсад МТМларида таълим сифати қаердалигини аниқлашдан иборат. Ушбу тизимни қўллаганимиздан сўнг, биз муаммоларимизни аниқлай оламиз ва нима қилишимиз кераклигини билиб оламиз. Биз буни ўзимизга мослаштириб, мактабгача таълимни баҳолаш миллий тизими билан интеграция қилмоқчимиз. Дастур доирасида мамлакатимизнинг 14 та ҳудудида кузатув олиб борадиган 60 нафар тренерни тайёрладик», — деди Мактабгача таълим агентлиги директори ўринбосари Оятулло Раҳматуллаев.

У мактабгача ёшдаги болаларнинг биринчи синфга тенг билим билан кириши учун шундай ривожланиш шароитларини яратиш режалаштирилганини таъкидлади.

2024 йил 5 майга қадар барча маълумотларни йиғиш ишлари якунланади, 31 майга қадар барча рақамлаштирилган маълумотлар қайта ишланади, 31 июнга қадар халқаро экспертлар ҳисобот тақдим этади.