Толибонлар Афғонистоннинг Эрон билан чегарадош Нимроз вилоятида ҳарбий машғулотлар ўтказди. Нимроз вилоятидаги 3-баталён қўмондони Муҳаммад Неби Молла Вурур бу ҳақида Толибон ахборот агентлигига маълум қилди.

Машғулотлар Заранж туманида профессионал инструкторлар билан биргаликда олиб борилган. Ҳар хил турдаги оғир қуроллар иштирокидаги маневрлардан мақсад Толибон кучларининг жанговар тайёргарлигини ошириш.

Толибон кучлари 2021 йил август ойида Афғонистон ҳокимияти тепасига келгач, баъзида Афғонистон-Эрон чегарасида Эрон чегарачилари билан тўқнашувлар содир бўлиб келмоқда.