Қозоғистон президенти Қосим-Жўмарт Тўқаев мамлакатдан Россияни четлаб ўтган ҳолда нефть сотишни йўла қўйишни топширди. Бу ҳақда «РИА Новости» хабар берди.

Унинг сўзларига кўра, энг устувор йўналиш Транскаспий йўналиши ҳисобланади. Президент «КазМунайГаз» миллий нефть-газ компаниясига уни амалга оширишнинг энг мақбул вариантини ишлаб чиқиш бўйича топшириқ берган. Транскаспий халқаро транспорт йўналиши Хитойдан бошланади, Қозоғистон Каспий денгизи орқали ўтгандан кейин эса Озарбайжон, Грузия ва Туркияга боради.

Бу мамлакатлардан Европага етказиб беришни амалга ошириш мумкин. Шундай қилиб, бу йўналиш Россияни четлаб ўтиб нефть ва бошқа товарларни сотиш имконини беради. Ўз навбатида, Кремль матбуот котиби Дмитрий Песков Тўқаев бу топшириғига муносабат билдирган.

«Бунинг сиёсий мотиви йўқ. Биз диққат билан кузатишимиз керак. Экологик сабабларга кўра тўхтатиб туриш қарори қабул қилингани ҳақидаги хабарларни ўқидик. Шу боис, бу ерда, албатта, қозоғистонлик ҳамкорларимиз билан қўшимча алоқалар талаб этилади», — деган у.

Аввалроқ Тўқаев Россия ҳукумати орденини олишдан бош тортганди. Шунингдек, Қозоғистон президенти Путин билан муносабатларига ойдинлик киритганди.