Қозоғистон президенти Қосим-Жўмарт Тўқаев россиялик ҳамкасби Владимир Путин билан муносабатларига ойдинлик киритди. Бу ҳақда «РБК» хабар берди.

У шундай баёнот билан Қатардаги иқтисодий форумда маълумот берган.

«Ҳа, Путин ҳамон ишончли иттифоқчи бўлиб қолмоқда ва давлат раҳбари сифатида у билан яқин муносабатда эканимни мамнуният билан хабар қиламан», — деган Тўқаев.

Шунингдек, у Путин шахсий суҳбатда Қозоғистоннинг Луганск ва Донецкни тан олмаганига муносабат билдирмаганини таъкидлаган.

Маълумот ўрнида, Қосим-Жўмарт Тўқаев 17 июнь куни Владимир Путин билан биргаликда Санкт-Петербург форумининг ялпи мажлисида сўзга чиқиб, Қозоғистон Донецк ва Луганск мустақиллигини тан олмаслигини айтган. Шунингдек, бу форумда Россия ҳукумати орденини олишдан бош тортган.