Тошкентда гул дўкони сотувчисини калтаклаган эркакка нисбатан жиноят иши қўзғатилди. Бу ҳақда Bugun.uz манбалари хабар берди.

Маълум бўлишича, 2024 йилнинг 23 июнь куни тахминан соат 19.30 ларда 1984 йилда туғилган, Шайхонтоҳур туманида яшовчи фуқаро жамиятда юриш-туриш қоидаларини қасддан менсимасдан, Шайхонтоҳур туманига гул дўконлардан бирида гул сотувчиси 2003 йилда туғилган Х.Т. билан ўзаро жанжаллашган. Шу ерда бўлган 2003 йилда туғилган А.Т. ва 2002 йилда туғилган Т.И.лар уни тинчлантириб, жанжални олдини олишга уринган. Бироқ Х.Ахмедов безорилик ҳаракатини давом эттириб, уларни уриб тан жароҳати етказган.

Бирламчи тиббий маълумотга кўра жабрланувчиларга енгил тан жароҳати етказилган. Безори эркак аввал ҳам судлангани аниқланган.

Мазкур ҳолат юзасидан Шайхонтоҳур тумани ИИО ФМБ Тергов бўлими томонидан Жиноят кодексининг 277-моддаси 3-қисми «Г» банди (Безорилик ҳаракатини олдини олиш чорасини кўрган бошқа фуқароларга қаршилик кўрсатиб содир этиш) билан жиноят иши қўзғатилган. Тергов ҳаракатлари давом этмоқда. Якуни бўйича қонуний қарор қабул қилиниши таъминланади.