Олий рада расмий сайти Украина президенти Володимир Зеленский мамлакат Жиноят кодексига ҳарбий ҳолат ёки жанговар вазият шароитида ҳарбий хизматчилар жавобгарлигини оширувчи ўзгартиш киритишни маъқуллагани ҳақида хабар берди.

Киритилаётган ўзгартишларга кўра, қўмондонга бўйсунмаслик, буйруққа риоя қилмаслик, қўмондонга таҳдид ёки зўрлик кўрсатиш, ҳарбий қисмни ўзбошимчалик билан ташлаб кетиш, ҳарбий қисмни ўзбошимчалик билан ташлаб кетиш деб топилган ҳарбийларга нисбатан судлар жазони қисқартириш ёки шартли равишда тайинлаш ҳуқуқига эга бўлмайди. Бундан ташқари, маъмурий ҳуқуқбузарликлар, масалан, ҳарбийлар томонидан алокогол ичимликлар истеъмол қилиниши учун жазо муддати оширилади.

Қонун лойиҳаси қабул қилинишидан олдин инсон ҳуқуқлари ҳимоячилари томонидан қаттиқ танқидга олиниб, мазкур ўзгартишлар ҳарбийларнинг суд ҳимояси борасидаги фундаментал ҳуқуқларини чеклаши ҳақида айтилганди.

«Эндиликда судлар ҳарбий жиноятларга оид ишлар бўйича ҳукм чиқаришда унинг барча вазиятларини инобатга олмайди. Суд амалиёти бир овоздан бўлади — барча ҳарбийларга ҳақиқий ва катта муддат. Бу алкоголь таъсирида маст бўлиб, ўзбошимчалик билан хизмат жойини ташлаб кетганларга ҳам, соғлиғи туфайли хизматга кела олмайдигалар ҳам тааллуқли», — дейди инсон ҳуқуқлари ҳимоячиси Виктория Олейник.

Аввалроқ АҚШ Украинага 30 та танк юборишни муҳокама қилаётгани хабар берилганди.