Украина президенти Владимир Зеленский Франциянинг LCI телеканалига берган интервьюсида Владимир Путинни «рингга» таклиф қилди.

Украина президенти ҳақиқий эркак муаммоларни воситачиларсиз ҳал қилишини ва Путин билан исталган вақтда рингга чиқишга тайёрлигини тушунтирди.

«Ҳақиқий эркак, кимгадир хабар етказмоқчи бўлса ёки унинг юзига мушт туширмоқчи бўлса, буни ўзи қилади. Путин билан эртагаёқ дуэлга чиқишга тайёрман», – дейди Зеленский.

Бундан ташқари, Владимир Зеленский ҳамкасби Россия президенти Владимир Путин билан шахсий музокарага тайёр эканини айтди.

«Саккиз йил давомида биз Россия Федерацияси билан гаплашмоқчи бўлдик. Ҳозир жамият бунга ижобий муносабатда эмас. Шунга қарамай, мен президент сифатида Путин билан гаплашишга тайёрман, фақат у билан, унинг воситачиларисиз ва шартнома шартларида гаплашишга тайёрман. Бу ультиматум эмас, мулоқот», – деди Зеленский.

Аввалроқ The Time журнали Владимир Зеленскийни «Йил одами» деб эълон қилгани, Зеленский Учинчи жаҳон урушини бошлашга уринишда айблангани, Зеленский урушни тўхтатишнинг 10 та шартини маълум қилгани тўғрисида хабар берилганди.