Ўзбекистон 2022 йилнинг январь-август ойларида хориждан қанча электромобиллар импорт қилингани маълум бўлди. Бу ҳақда Статистика қўмитаси ахборот хизмати хабар берди.

Қайд этилишича, Республикага 2022 йилнинг 8 ойида хориждан қиймати 46,4 мллион долларига тенг бўлган 1 499 дона электромобиллар импорт қилинган. Электромобиллар импорти 2021 йилнинг мос даврига нисбатан солиштирилганда 1 003 донага кўпайган.

Январь- август ойларида мобайнида энг кўп электромобиллар импорт қилинган давлатлар:

• Хитой – 1,3 минг дона;
• Бирлашган Араб Амрликлари – 110 дона;
• Германия – 34 дона;
• Гонконг – 30 дона;
• Бошқа давлатлар– 19 дона.

Эслатиб ўтамиз, аввалроқ Ўзбекистонда электромобил импорти 3,2 баробарга ошгани маълум қилинганди. Шунингдек, Ўзбекистонга 2022 йилнинг январь–июнь ойларида 34,1 миллион долларга 1125 та электромобиль импорт қилингани ҳақида хабар берилган.