Давлат солиқ қўмитаси раисининг биринчи ўринбосари Мубин Мирзаев 2024 йил 23 апрел куни АОКА да бўлиб ўтган матбуот анжуманида сотувчилар сотилган алкогол ва тамаки маҳсулотларининг тахминан 40-45 фоизини ёки нархини яширишини айтди. Бу ҳақда Bugun.uz мухбири хабар бермоқда.

«Алкогол ва тамаки маҳсулотларини сотувчи тадбиркорлар сотилган маҳсулот ҳажми ёки нархининг тахминан 40-45 фоизини яширади. Бу эса яширин иқтисодиётнинг ривожланишига хизмат қилмоқда. Ушбу товарларни маркалаш нафақат солиқ тўловлари тушумини ошириш, балки истеъмолчи учун маҳсулот сифатини назорат қилиш имконини беради. Биз маҳсулотлар ҳақида тўлиқ маълумотни кўришимиз мумкин бўлган иловалар ва тизимни амалга оширишимиз керак. Биз бунга кўпроқ эътибор қаратяпмиз», — деди у.

Мирзаев, шунингдек, рақамлаштириш коррупция хавфини ва маҳсулотларнинг ноқонуний савдоси ўсишини камайтиришга ёрдам беришини таъкидлади.