Ўзбекистонда 2024 йил 1 июлга қадар Солиқ қўмитасининг E-Ombor (E-Aktiv) тизимида нақд пулга сотиб олинган товарларнинг кирим қилинишини рўйхатдан ўтказиш тартибини тўлиқ жорий этиш режалаштирилган. Бу ҳақда Давлат солиқ қўмитаси раисининг биринчи ўринбосари Мубин Мирзаев Bugun.uz мухбирига маълум қилди.

Унга кўра, Давлат солиқ қўмитаси «E-Aktiv»да энг оддий иш тизимини ишлаб чиқмоқда.

«Биз солиқ тўловчилар билан бевосита ишлаяпмиз ва айрим муаммоларни ҳал қилмоқдамиз. Ўйлайманки, 1 июлгача бу тизим ҳеч қандай камчиликсиз амалга оширилади», — деди Мубин Мирзаев.

Аввалроқ, 1 апрелдан бошлаб ушбу тартибни жорий этиш ва нақд пулда тўловларни амалга ошириш учун 100 миллион сўм лимитини белгилаш таклиф қилинган эди. Қурилиш учун ёғоч, металл (шарқ, арматура, алюминий профиллар), автомобил шиналари ва шакар улгуржи савдосини нақд пулсиз шаклга ўтказиш режалаштирилган эди.