2 ноябр куни АҚШда Савдо департамнети Саноат ва хавфсизлик бюроси Россиянинг учувчисиз учиш аппаратларини харид қилиш, ишлаб чиқиш ва тарқатиш орқали Россия армиясини қўллаб-қувватловчи 13 та ташкилот ҳақида эълон қилган.

Қоидага кўра, департамент корхоналарга нисбатан энг жиддий экспорт чекловларини қўллаши ва уларни АҚШ юрисдикциясига тегишли бўлган нарсаларга қонуний равишда киришни тўхтатишини маълум қилган.

Рўйхатга киритилаётган корхоналарнинг 12 таси Россияда ва 1 таси Ўзбекистонда жойлашган.

«Биз Путиннинг Украина халқига қарши уруш олиб боришини пасайтириш ва камайтириш миссиямизни ҳақида жиддий қарашимиз шарт», – деган савдо вазирининг саноат ва хавфсизлик бўйича ўринбосари Алан Естевез.

Маълумотларга қараганда, Ўзбекистондан назоратга олинган ташкилот MVIZION МЧЖ бўлиб, 2022 йил 14 июнда давлат рўйхатидан ўтган. Фаолият тури сифатида электрон ва телекоммуникацион ускуналар ва уларнинг эҳтиёт қисмлари улгуржи савдоси билан шуғулланиши кўрсатилган.