Андижонда фуқаро Аи-92 маркали бензинни ноқонуний сотаётгани аниқланди

Хонадонда бўлган юк автомашинадан жами 4 тонна 910 литр Аи-92 маркали бензин ёқилғисини бўш елим идишларга қуйиб олинаётганда аниқланди. Ҳолат юзасидан маъмурий жавобгарлик бўйича иш очилган.

Андижон шаҳрида 4 тоннадан зиёд Аи-92 маркали бензин ёнилғисини ноқонуний муомалага киритилишининг олди олинди.

Фото: «Ўзэнергоинспекция» ахборот хизмати

Тезкор тадбирда «Ишчилар» маҳалласида яшовчи фуқаро М.Ш. ўз хонадонида техник талабларга зид равишда бензин ёнилғисини сотаётгани маълум бўлди.

Хусусан, ушбу хонадонда бўлган юк автомашинадан жами 4 тонна 910 литр Аи-92 маркали бензин ёқилғисини бўш елим идишларга қуйиб олинаётганда аниқланди.

Олиб борилган суриштирув ишлар натижасида ушбу бензин ёқилғисини Фарғона шаҳрида жойлашган МЧЖга қарашли корхонадан ҳеч қандай ҳужжатларсиз жами 47 млн 900 минг сўмга сотиб олингани маълум бўлди.

Электр энергияси, нефть маҳсулотлари ва газдан фойдаланишни назорат қилиш инспекциясининг маълум қилишича, мазкур ҳолат юзасидан Маъмурий жавобгарлик тўғрисидаги кодексининг тегишли моддалари билан қонуний чоралар кўрилмоқда.

Мавзуга доир хабарлар билан танишинг: