2:03 | 22.12.22
Жаҳондаги энг сўнгги воқеаларни ўзида акс эттирган фотолар
Бугуннинг энг сара суратларини эътиборингизга ҳавола этамиз.
Украинанинг Донецк вилоятидаги қишлоқлардан бирида машина ичида ўтирган 85 ёшли украиналик аёл.
Украина президенти Владимир Зеленский украиналик ҳарбий хизматчини Донецк вилоятидаги Бахмут шаҳридаги позицияда тақдирламоқда.
Украина президенти Владимир Зеленский Вашингтонга етиб боргач АҚШ президенти Жо Байден билан Оқ Уй бўйлаб кетмоқда.
Икки мамлакат президенти Оқ Уйда дастлабки музокаралар жараёнида.
Ўзбекистонга ташриф буюрган Қозоғистон президенти Қосим-Жўмарт Тўқаев «Кўксарой»да дарахт экмоқда.
Чегара хавфсизлиги кучлари ходимлари Амритсардан 40 км узоқликда Ҳиндистон-Покистон Вагаҳ чегараси яқинида совуқ ва туманли тонгда чегара девори бўйлаб патруллик қилишмоқда.
Толибон хавфсизлик ходимлари Афғонистоннинг Кобул шаҳрида йўл бўйлаб қўриқлашмоқда. Толибон раҳбарлари аёлларга олий таълим олишни тақиқлаганидан бир кун ўтиб, юзлаб ёш хотин-қизларнинг Афғонистон университетлари кампусларига киришига тўсқинлик қилинди.
Индонезияда Шариат полицияси ходими аёлни бегона эркак билан тутиб олингани учун калтакламоқда.
Япониянинг Нагаока ҳудудида ёққан қор.
Хитойнинг шимоли-шарқидаги Ляонин провинциясида музлаган кўлда сузаётган киши.
Малайзиянинг Теренггану ҳудудида тошқин вақтида қайиқда сузиб кетаётган одамлар.
Ҳинд океани жанубидаги Крозет оролларидан бирида пингвинлар қуршовидаги денгиз шери.
Гватемалада жирафаларга совға бераётган Қобобо.
Таиланднинг Бангкок шаҳридаги Sea Life Bangkok Ocean World аквариумида Қорбобо либосидаги ғаввос ёш меҳмонларга қўл силкимоқда.
Ҳиндистоннинг Жамму шаҳридаги совуқ тонгда вақтинчалик бошпанасидан иш бошлаган мигрант кўча сотувчиси аравасини итармоқда.
Буэнос-Айресдаги Диего Марадонанинг улкан деворий сурати.
Буэнос-Айресдаги ғалаба паради бекор қилинган ва Аргентина футболчилари жўнаб кетганидан сўнг, Обелискода жаҳон чемпионати кубоги нусхасини ушлаб турган Аргентина мухлисларининг умумий кўриниши.
Жаҳон чемпионати кубоги нусхасини ўпаётган Аргентина мухлислари.
Аргентинада Лионел Месси сурати туширилган 1000 песолик банкнота дизайни тақдим этилди.
Мавзуга доир хабарлар билан танишинг: