АҚШ президенти Жо Байден Федерал қидирув бюроси томонидан собиқ президент Дональд Трамп қароргоҳида олиб борилган тинтувларга изоҳ берди. Бу ҳақда «CNN» хабар берди.

Байденнинг сўзларига кўра, маълум шароитларда офис биносидан ташқарида махфий ҳужжатлар билан ишлашга имкон беради. У шу тариқа махфий материалларни уйга олиб кетиш мақсадга мувофиқми деган саволга жавоб берган.

Оқ уй раҳбари унинг уйида махфий ҳужжатлар билан ишлаш учун махсус жиҳозланган жой борлигини қайд этган. «Уйимда тўлиқ хавфсиз жиҳозланган хона бор», — деган у.

Трампнинг Байден президентлик ваколатидан фойдаланиб, материалларни махфийлаштиргани ҳақидаги даъволарига АҚШ раҳбари қуйидаги изоҳ берган.

«Мен шуни билишингизни хоҳлайманки, дунёдаги ҳамма нарсани ошкор қилдим. Мен президентман, мен қила оламан. Тинтувга изоҳ бермайман, чунки тафсилотларни билмайман. Билишни ҳам хоҳламайман. Адлия вазирлигига буни қабул қилишни айтганман», — деган Байден.

Эслатиб ўтамиз, АҚШ ҳукумати Трампнинг Мар-а-Лагодаги қароргоҳида 300 дан ортиқ махфий ҳужжатларни, жумладан Марказий разведка бошқармаси, Миллий хавфсизлик агентлиги ва Федерал қидирув бюроси материалларини топган.

Қидирув Трамп 2021 йил январида президентлик сайловларида мағлубиятга учраганидан сўнг ўз лавозимини тарк этганида ҳужжатларни ноқонуний равишда ўчириб ташлаганми ёки йўқми деган федерал терговнинг бир қисмидир.