15:11 | 07.05.24
«Қизалоқ оиласига чуқур таъзиямизни билдирамиз». Тошкентда бир ёшли қизалоқнинг ўлимига сабаб бўлган компания марҳуманинг яқинларига ҳамдардлик билдирди.
Чилонзор тумани 5-мавзесида 3 май куни кўп йиллик дарахтнинг қулаши оқибатида 2023 йил 10 апрелда туғилган қизалоқ вафот этганди. Ҳолат юзасидан жиноят иши қўзғатилди.
Ҳудудда пойтахтнинг иссиқлик таъминоти оператори – Veolia Energy компанияси таъмирлаш ишларини олиб бораётган эди. Масъулларнинг эҳтиётсизлиги сабаб шу ҳолат юзага келган. Компания дарахт қулаши оқибатида ҳалок бўлган қизнинг оила аъзоларига ҳамдардлик билдирди.
«Биз оилага ҳар қандай ёрдамни тақдим этишга тайёрмиз. Бу фожиали йўқотиш ва ҳеч бир сўз билан ифода этиб бўлмас мусибат эканлигини англаймиз. Қизалоқ оиласига чуқур таъзиямизни билдирамиз», — дейилади хабарда.
Маълум қилинишича, айни дамда компания текширув ишларини олиб бормоқда ва масъул шахсларга нисбатан чоралар кўради. Шунингдек, иш жараёнларига, шу жумладан таъмирлаш ишларига ўзгартиришлар киритади.
Кўриб чиқилаётган имкониятлар:
«Бундан ташқари, агар ишлар потенциал хавфли объектлар (қуруқ дарахтлар, эскирган иншоотлар ва бошқалар) яқинида амалга оширилса, тайёргарлик тадбирларини ўтказиш учун махсус хизматлар жалб қилинади (қуруқ дарахтларнинг шохларини кесиш, беқарор иншоотларни демонтаж қилиш, ва бошқалар)
Яна бир бор ҳамдардлигимизни изҳор қиламиз. Бу ўрнини тўлдириб бўлмайдиган йўқотишдир», — дейди компания ахборот хизмати.
Мавзуга доир хабарлар билан танишинг: