Туризм ривожи: «Ugam River» мажмуаси

14 гектар майдонда қурилаётган «Ugam River» туристик мажмуаси йилига 200 минг сайёҳга хизмат кўрсатиш қувватига эга.

Мажмуада:

• 17 та кўп қаватли уй, коттежлар;
• ресторанлар, савдо ва хизмат шохобчалари;
• болалар ўйингоҳлари ва спорт майдончалари бўлади.

Бу лойиҳа Бўстонлиқнинг туризм салоҳиятини ошириш ва иш ўринлари яратишни кўзлайди.

«Угам-1» ГЭС: энергия ва барқарорлик

Қуввати 1,48 мегаватт бўлган «Угам-1» кичик ГЭС йилига 11,8 миллион киловатт-соат электр энергиясини ишлаб чиқаради. Бу Чорбоғ, Хумсон ва Угам маҳаллаларидаги 5 минг хонадон ҳамда туризм объектларини энергия билан таъминлайди.

Тошкент—Хўжакент: янги электропоезд йўналиши

Шунингдек, «Тошкент—Хўжакент» йўналишида замонавий электропоезд қатнови бошланди. Поезд соатига 120 км тезликда ҳаракатланиб, кунига уч марта қатнайди. 586 ўринли вагонлар кондиционерлар, Wi-Fi ва бошқа замонавий қулайликлар билан жиҳозланган.