ДХХ ходимлари академия ҳудудида икки мингдан ортиқ дарахт экди
«Яшил макон» умуммиллий лойиҳа доирасида кўчат экиш ишлари давом этмоқда.
Шавкат Мирзиёевнинг ташаббуси билан илгари сурилган «Яшил макон» умуммиллий лойиҳа доирасида Давлат хавсизлик хизмати ходимлари томонидан ДХХ академияси ҳудудида икки мингдан ортиқ манзарали ва мевалари дарахт кўчатларини экиш ишлари ташкил этилган.
Шу билан бирга, 19 ноябр куни Тошкент вилояти Бўстонлиқ туманида Бош вазир Абдулла Арипов бошчилигида Вазирлар Маҳкамаси жамоаси умуммиллий лойиҳа доирасида кузги дарахт экиш мавсумида иштирок этган.
Улар бодом, садақайрағоч, эман, қрим қарағайи каби мевали ҳамда манзарали дарахтларни эккан.
Аввалроқ, Экология, атроф-муҳитни муҳофаза қилиш ва иқлим ўзгариши вазири Азиз Абдуҳакимов Самарқанддаги CRIC21 яшил боғида дарахт эккани шунингдек, Шавкат Мирзиёев Италия ва Франция президентлари билан бирга дарахт еккани хабар қилинганди.
