Аввалроқ, Исроил мудофаа кучлари Ғазодаги қуруқликда ўзининг кенгайтирилган тартибдаги ҳарбий ҳаракатлари бошланганини эълон қилганди.

Туркия нашрларининг ёзишига қараганда, мамлакат раҳбари Ражаб Тоййиб Эрдўғон аҳолини Фаластинни қўллаб-қувватлаш учун митингга таклиф қилган.

«Сизларни Фаластин ва биродарлар билан бирдамлигимизни бутун дунёга кўрсатадиган Буюк Фаластин митингига таклиф қиламан. Бирдамлигимизни бутун дунёга яна бир бор кўрсатишимиз лозим», деган Эрдўғон.

Ўзининг Х ижтимоий тармоғида ёзган гапларига қараганда, постда ҳар бир фуқарони митингга таклиф этган Эрдўғон юз минглаб киши иштирок этиши кутилаётган бундай тадбир орқали Туркиянинг Фаластин билан бирдамлигини бутун дунёга кўрсатишига қарор қилган.

Маълумот учун, ҲАМАС ҳаракати анча олдин араб ва ислом давлатларини Исроил элчиларини чиқариб юборишга ва бу давлат билан муносабатларни нормаллаштиришнинг барча шаклларини тўхтатишга чақирганди.

Ушбу сўралган ёрдамга жавобан Туркия Исроил билан энергия бўйича барча шартномаларни тўхтатган. Ҳатто, Эрдўғон Исроилга ташрифини ҳам бекор қилган. БМТ бош котиби Антониу Гутерриш ҲАМАСнинг ҳужуми ўз-ўзидан содир бўлмаганини айтганида эса, Исроил Гутерришнинг истеъфосини талаб қилган.