15:48 | 29.10.23
Хитой туризм вазири Ху Хепин Самарқанддаги туристик объектлар билан танишди
Унга маданият вазири ва Туризм қўмитаси раиси ҳам ҳамроҳлик қилмоқда.
Аввалроқ Хитой маданият ва туризм вазири Ху Хепин Ўзбекистонга келгани ҳақида хабар берилганди. Экология, атроф-муҳитни муҳофаза қилиш ва иқлим ўзгариши вазирлиги матбуот хизматининг маълум қилишича, Ху Хепин Самарқанд шаҳридаги туризм объектлари билан танишмоқда.
Ху Хепин Ўзбекистон экология, атроф-муҳитни муҳофаза қилиш ва иқлим ўзгариши вазири Азиз Абдуҳакимов бошчилигидаги делегация ҳамроҳлигида тарихий шаҳарнинг сайёҳлик жойлари – Улуғбек расадхонаси, «Афросиёб» музейи ҳамда Шоҳи-Зинда ансамбли билан танишган. Шу билан бирга, меҳмонларга маданият вазири Озодбек Назарбеков ва Туризм қўмитаси раиси Умид Шодиев ҳам ҳамроҳлик қилмоқда.
Эслатиб ўтамиз, ХХР делегациясининг ташрифидан мақсад «Бир макон – бир йўл» ташаббусининг 10 йиллигини нишонлашга бағишланган тадбирларда иштирок этишдан иборат.
Мавзуга доир хабарлар билан танишинг:
