23 январ куни Хитойда содир бўлган ер ости силкинишининг магнитудаси 7 баллни ташкил этган зилзиладан сўнг Қозоғистоннинг Олмаота шаҳрида зилзила ва ўнлаб афтершоклар кузатилди.

Зилзила оқибатида дастлабки маълумотларда Олмаотада саккиз киши турли даражада тан жароҳати олгани, улардан 3 нафари иккинчи ва учинчи қават деразаларидан сакраб жароҳатланган хабар қилинганди. Кейинчалик мамлакат Соғлиқни сақлаш вазирлиги 44 киши жабрланганини маълум қилди.

«Олмаотада енгил ва ўртача оғирликдаги турли кўринишдаги 44 киши тиббий ёрдамга мурожаат қилган. Улар турли белгилар билан шаҳар касалхоналарига олиб кетилган. Улардан 34 нафари катталар, 10 нафари болалардир», дейилган хабарда.

Қозоғистон президенти Қосим-Жўмарт Тўқаев 24-25 январ кунлари беш магнитудали зилзила қайд этилган Олмаотага ташриф буюриб, шаҳардаги вазият юзасидан йиғилиш ўтказади.